Magar National Liberation Front Nepal, Belgium committee

एकीकृत नेकपा माओबादीका महासचिब रामबहादुर थापा बादलले शान्ति स्थापनाका लागि यद्ध अपरिहार्य रहेको दावी गर्दै आबश्यक परे आफुहरु अझै युद्ध गर्न पनि तयार रहेको बताउनुभएको छ । नोवेल शान्ति पुरस्कार थाप्दा ओवामाले भनेका शव्दहरु स्मरण गर्दै उहाँले शान्तिका लागि युद्ध आवश्यक हुने जिकिर गर्नुभयो । बाइ सि एल चितबनको प्रथम जिल्ला सम्मेलनलाई आज चितवनमा सम्बोधन गर्दै उहाँले माओबादीको युद्ध शान्ति र राष्ट्रिय स्बाधिनताका लागी भएको जिकिर गर्नुभयो ।

महासचिब बादलले अनमिनलाई माओबादीको समर्थन गरेको भन्ने सत्ताधारीदलहरुले आरोप लगाएर शान्ति सम्झौता भाँड्ने र अनमिनलाई बिदाई गर्ने बहाना वनाएको उल्लेख गर्नुभयो । उहाँले १० बर्षअघि जस्तै दमन गर्ने सोचमा सरकारले कैलाली घटना घटाएको भन्दै यसको बिरुद्धमा फेरी अर्को संङ्घर्ष गर्न तयार रहन कार्यकताहरुलाई निर्देशन दिनुभयो । सहमतिको विकल्प नभएको दावी गर्दै उहाँले दललाई ठेगानमा ल्याउन युवा दस्ताको एकता आवश्यक रहेको उहाँको भनाई थियो ।

नागरिक सर्बोच्चताको स्थापनाको लागी आफुहरुले आन्दोलन थालेको बताउदै उहाँले माओबादी जनताको म्यान्डेट पुरा गर्न प्रतिबद्ध रहेको भन्दै राष्ट्रिय राष्ट्र वचाउनका लागि युवा दस्तालाई नयाँ वनाउनु पर्नेमा जोड दिनुभयो । सत्ताधारी दलहरु संविधान भाँडेर देशमा युद्ध निम्त्याउन लागि परेको वताउँदै नेता वादलले लड्न तयार हुन समेत कार्यकर्ताहरुलाई निर्देशन दिनुभयो ।